როგორც მოგეხსენებათ, "რეალ მადრიდ კასტილიამ" "ჟუვენილ ბ"-დან, 2010 წელს, პაბლო სარაბია დაიმატა.ამ უკანასკნელმა უკვე ორი შეხვედრა გამართა კასტილიელთა რიგებში, თუმცა გასული მატჩი, სანტანდერელი თანატოლების წინააღმდეგ, მისთვის სადებიუტო იყო, რამეთუ ახალგაზრდა ესპანელი პირველად გამოჩნდა "ალფრედო დი სტეფანოს" მინდორზე.

სარაბიამ თავისი დებიუტი მშობლიურ კედლებში, გოლითა და საგოლე პასით აღნიშნა.თანაგუნდელებმა ახალწვეულს განსაკუთრებულად მიულოცეს პირველი გატანილი ბურთი კასტილიას რიგებში.თავად პაბლოც მატჩის შემდეგ ემოციებს ვერ მალავდა.

"მიუხედავად ბრწყინვალე გამარჯვებისა, ადვილი სამუშაო ნამდვილად არ გვქონია "რასინგის" წინააღმდეგ.ჩვენ დავატმკიცეთ, რომ ნებისმიერი გუნდის დამარცხება შეგვიძლია" - დასძინა ესპანეთის 17 წლამდელთა ნაკრების წევრმა.

"მინდა ვთქვა, რომ შესანიშნავი დებიუტი გამოდგა.დიდი სიყვარული ვიგრძენი შეკრებილი ქომაგებისაგან.თამაშის შემდეგ სახლში ძალიან დაღლილი მივედი, მაგრამ ამასთანავე ემოციებით აღსავსე.არასოდეს დავივიწყებ ამ დღეს."