ლუკას სილვა: "ბეილი და რონალდო ერთმანეთს გაცილებით უკეთ უგებენ"
მადრიდის "რეალის" ყოფილმა ფეხბურთელმა, ლუკას სილვამ ჟურნალისტებთან საუბრის დროს მოახლოვებულ "ელ კლასიკოც" განიხილა.
"მოუთმენლად ველი მადრიდის "რეალისა" და კატალონიის "ბარსელონას" დაპირისპირებას. რთულია ამ მატჩში ფავორიტის გამოკვეთა, თუმცა სანტიაგო ბერნაბეუზე გამარჯვების მოპოვების შანსი სამეფო კლუბს უფრო აქვს."
"დარწმუნებული ვარ "ელ კლასიკო" დაძაბული და საინტერესო იქნება. სამწუხაროა, რომ "ბლანკოსს" რამდენიმე ძლიერი ფეხბურთელი შეიძლება დააკლდეს. კლუბი ტრავმების ეპიდემიით არის შეპყრობილი, რაც რაფა ბენიტესს გეგმების განხორციელებაში ხელს უშლის. თუმცა ნუ დაგავიწყდებათ, რომ "ბარსელონას" შემადგენლობაშიც არის საკადრო პრობლემები. ჯერ-ჯერობით კვლავ კითხვისნიშნის ქვეშ არის ლეო მესის ყოფნა-არყოფნის საკითხი."
"მინდა აღვნიშნო, რომ კრიშტიანო რონალდო და გარეთ ბეილი ერთმანეთს გაცილებით უფრო კარგად უგებენ, ვიდრე ეს ერთი შეხედვით ჩანს. როდესაც გარედან ადევნებ თვაყურს მათმოძრაობებს და მინდორზე გადაადგილებას, იფიქრებ, რომ ისინი ჩვეულებრივი სტილის ფეხბურთელები არიან. მაგრამ მათ გვერდით ვისაც ერთხელ მაინც უვარჯიშია დამეთანხმება, რომ რონალდო და ბეილი ერთმანეთს მინდორზე იდეალურად გრძნობენ."
Bernabeudigital.com
- 20 ნოემბერი 2015
- 2647
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
