მოდრიჩი:„უმნიშვნელოვანესი ქულები მოვიპოვეთ“
ლუკა მოდრიჩი „ბილბაოს“ წინააღმდეგ ერთ-ერთი საუკეთესო იყო, ხორვატმა ფეხბურთელმა ლომის წვლილი შეიტანა გამარჯვებაში...
„უმნიშვნელოვანესი გამარჯვება მოვიპოვეთ, ქულები ჰაერივით გვჭირდებოდა. ბედნიერები ვართ და გვსურს, რომ აღებულ გეზს მივყვეთ. კარგი ხარისხის ფეხბურთი ვითამაშეთ და მტკიცე ხასიათი გამოვავლინეთ, ამის თქმა განსაკუთრებით მეორე ნახევარზე შეიძლება, სადაც არაერთი რთული მომენტი იყო.“
„ბასკებთან თამაში არასდროსაა იოლი, მაგრამ პირველ ტაიმში არაერთი მომენტი შევქმენით. ვიცით, რამდენად რთულია „სან მამესზე“ მოგება. შარშანდელი მარცხი არ დაგვვიწყებია. ამ გამარჯვებით საკუთარი ძალები ვირწმუნეთ, ახლა კი კონცენტრაციას „მალაგაზე“ მოვახდენთ, შემდეგ კი ჩემპიონთა ლიგის მეორე ტურსა და მადრიდულ დერბიზე გადავერთვებით.“
„კოვაჩიჩი მადრიდში ძალიან ბედნიერია, ის ბოლომდე იხარჯება და ყველაფერს აკეთებს საკუთარი შესაძლებლობები წარმოაჩენად. მატეოს ყველაფერი წინ აქვს.“
„კატალონიელთა ანგარიში საკვირველი იყო, მაგრამ ფეხბურთში ყველაფერი ხდება. არ ვიცოდი, თუ მატჩი 4-1 დასრულდა, როდესაც მოედანზე გავედით მათი შეხვედრის პირველი ნახევარი იყო დასრულებული და „ბლაუგრანა“ 2-0 მარცხდებოდა.“
- 24 სექტემბერი 2015
- 1673
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
