მადრიდის "რეალმა" საუკეთესო შედეგი დააფიქსირა.

პირველი ოთხ მატჩში სამეფო კლუბმა კარი მშრალად შეინახა. პირველ შეხვედრაში ხიხონის "სპორტინგთან" გაგორებული ფრის შემდეგ (0-0) ვარაუდობნენ, რომ "თეთრებს" მძიმე სეზონი ელოდათ წინ, თუმცა შემდეგ ტურში ბენიტესის შეგირდებმა 5-0 სძლიეს "ბეტისს". ლა ლიგის მესამე ტურში კი კრიშტიანო რონალდოს ბრწყინვალე თამაშის შედეგად მადრიდელებმა "ესპანიოლი" გაანადგურეს (0-6). რაც შეეხება სეზონის სასტარტო მეოთხე მატჩს, "რეალმა" ჩემპიონთა ლიგაზე დონეცკის "შახტარს" უმასპინძლა და ოთხი უპასუხო ბურთი გაუტანა.

აღსანიშნავია, რომ მადრიდის "რეალის" 113 წლიანი ისტორიის განმავლობაში ასეთი შედეგი არასდროს დაფიქსირებულა. 1957-58, 1989-90 და 2010-11 წლების სეზონებში სამეფო კლუბმა პირველი ოთხი მატჩის ჯამში მხოლოდ ერთი ბურთი მიიღო კარში, წელს კი "თეთრებმა" ეს შედეგეი გააუმჯობესეს და ოთხივე მატჩში კარი მშრალად შეინახეს.

Realmadrid.com������� dle 10.1������� ������� ������