მიუხედავად იმისა, რომ მადრიდის "რეალი" 2015/16 წლების სეზონს უტიტულოდ შეხვდა, მადრიდული კლუბი, საქვეყნოდ ცნობილი თამაშის, FIFA-ს 2016 წლის ვერსიაში, მაინც საუკეთესოა. გუნდის ფეხბურთელების საერთო რეიტინგი 82.31 ბალით ფასდება, გასული სეზონის ტრიუმფატორის, კატალონიის "ბარსელონას" მოთამაშეების კი - 81.66-ით.

ეს ციფრი საშუალო რეიტინგია ყველა ფეხბურთელისა, რომლებიც კლუბში თამაშობენ, "რეალში" კი ასეთი 23 მოთამაშეა. გარდა ამისა, აღსანიშნავია, რომ "თეთრების" 7 ფეხბურთელი FIFA 16-ის 50 საუკეთესოთა შორის მოხვდა. ესენი არიან: კრიშტიანუ რონალდუ (რეიტინგი - 93), ხამეს როდრიგესი, ტონი კროოსი, ლუკა მოდრიჩი, სერხიო რამოს, გარეთ ბეილი (ყველა - 87), ქარიმ ბენზემა (86).

ცნობილია, რომ ზაფხილში Electronic Arts-სა და მადრიდის "რეალს" შორის გაფორმდა კონტრაქტი, რომლის საშუალებითაც FIFA-ს მოყვარულები შეძლებენ, დეტალებში იხილონ "სანტიაგო ბერნაბეუ" და "რეალის" თითქმის ყველა ფეხბურთელის გრაფიკული გამოსახულება მაღალი ხარისხით.

წყარო: Merengues������� dle 10.1������� ������� ������