დანი კარვახალმა ერთ-ერთი ინტერვიუს დროს განაცხადა, რომ მისი ოცნება სამეფო კლუბის ისტორიის შექმნაა.

"მინდა ორიოდ სიტყვით კეილორ ნავასი შევაფასო. იგი გასაოცარი ადამიანია, ყოველთვის გაღიმებული მოდის ვარჯიშებზე და მხიარულად გვხვდება, ეს რა თქმა უნდა, ჩვენც პოზიტიურ განწყობაზე გვაყენებს. ნავასი თავისი საქმის პროფესიონალია და მისი ნიჭიერებით ყველა აღფრთოვანებული ვართ."

"იყო პერიოდი ჩემს პროფესიულ კარიერაში, როდესაც სულ თადარიგში მიწევდა ყოფნა, თუმცა მაშინ გამოუცდელი და ძალიან პატარა ვიყავი. ამის შემდეგ მოვახერხე სასტარტოში ადგილის დამკვიდრება და მინდორზე პირველივე წუთებიდან რეგულარულად გამოვდიოდი. წელს ჩემს პოზიციაზე სერიოზული კონკურენტი მყავს დანილოს სახით. ბენიტესმა სწორედ ბრაზილიელი გარემარბი გამოიყვანა პირველ მატჩებში სასტარტო თერთმეტეულში, თუმცა მე დანებებას არ ვაპირებ. როგორც კი მომეცემა შანსი, მაშინვე დავამტკიცებ ჩემს შესაძლებლობებს."

"ჩემი ოცნება მადრიდის "რეალში" ისტორიის შექმნაა. მინდა, რომ ჩემი სიტყვა ვთქვა და ჩემი სახელი სამუდამოდ დარჩეს ესპანური ფეხბურთის გულშემატკივრების გონებაში, როგორც ეს თავის დროზე გააკეთეს, კარლოსმა, იერომ, სალგადომ, რაულმა, ზიდანმა და სხვებმა."

Bernabeudigital.com������� dle 10.1������� ������� ������