ბუტრაგენიო:„რესურსი არსებობს, ამიტომ არ უნდა ვინერვიულოთ“
ემილიო ბუტრაგენიომ ნულოვანი ფრის დაფიქსირების შემდეგ ჟურნალისტებს ინტერვიუ მისცა...
„როდესაც მატჩი დაიწყო მაშინვე მივხვდი, რომ ფეხბურთელებს დიდი ზეწოლის ქვეშ უწევდათ თამაში. ხიხონში ნამდვილად კარგი ქომაგობა იციან. რამდენიმე წუთის გასვლის შემდეგ ჩვენი გუნდის მოთამაშეები მიხვდნენ, რომ მოქმედების დრო იყო. პირველ ტაიმში ინერტულად ვითამაშეთ, მაგრამ მომენტები გვქონდა. მეორე ნახევარში გუნდმა აჩვენა საკუთარი კლასი, იყო ფენომენალური კომბინაციები, მაგრამ გადამწყვეტ ფაზაში აშკარად მოვიკოჭლებდით.“
„არაერთ შემთხვევაში დაგვისრულებია მატჩი ფრით, მაგრამ ამისგან განგაშის ატეხვა არ ღირს. ბევრ მომენტში არ გაგვიმართლა და მეტოქის კარი ვერ დავლაშქრეთ. ეჭვი არ მეპარება, ფეხბურთელები მომდევნო ტურებში მოუმატებენ.“
„კარიმ ბენზემას არყოფნა გვეტყობა, მაგრამ ბევრი ფეხბურთელი გვყავს, რომელსაც გოლების გატანა თავისუფლად შეუძლია.“
„კოვაჩიჩმა შანსი მიიღო, მაგრამ საკმაოდ დაძაბულ ორთაბრძოლაში მოუწია თამაშში ჩართვა.“
„ხესე? ახალგაზრდა ესპანელმა უმძიმესი ტრავმის გადატანის შემდეგ, ფორმაში ჩადგომა დაიწყო. ის უნიჭიერესი ფეხბურთელი გახლავთ, რომელიც არსად წავა.“
„ჩვენ გვყავს ძალიან კარგი მეკარე, კეილორ ნავასის სახით.“
- 24 აგვისტო 2015
- 2098
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
