ადრიანო:„მადრიდის „რეალს“ ყოველთვის ექსტრა კლასის ფორვარდები ჰყავდა“
ლეგენდარული ბრაზილიელი თავდამსხმელის, ადრიანოს განცხადებით, მადრიდის „რეალს“ ყოველთვის ექსტრა კლასის ფორვარდები ჰყავდა...
„მადრიდის „რეალის“ ისტორია ყველამ კარგად იცის და ამაზე საუბარი არ ღირს, ამ გუნდს ყოველთვის უმაღლესი დონის ფორვარდები ჰყავდა, ახლა კი მხოლოდ კარიმ ბენზემა ჰყავს ტიპიურ „ცხრიანად“ გაფორმებული.“
„ფრანგმა ფორვარდმა არნახული პროგრესი აჩვენა, მაგრამ ისეთი დონის კლუბისთვის, როგორიც „რეალია“, მხოლოდ ფრანგის იმედზე ყოფნა არ არის მართებული.“
„მახსენდება დავორ შუკერი, პედია მიატოვიჩი, მორიენტესი, რაული, რონალდო, ოუენი, ნისტელროი და სხვები, ეს ფეხბურთელები ყოველთვის მაღალ დონეზე თამაშობდნენ და „ბლანკოსში“ უდიდესი კონკურენციის დაძლევა უწევდათ, ახლა კი კარიმი ფაქტობრივად, უკონკურენტოა, რაც ყოვლად დაუშვებელია.“
„ევროპულ ფეხბურთში ბევრი რამ უკეთესობისკენ შეიცვალა, რასაც ვერ ვიტყვი სანახაობრივ თვალსაზრისზე. დღეს ტაქტიკა მთავარია, ადრე კი მოთამაშეები ინდივიდუალურ ოსტატობას ხშირად იყენებდნენ.
- 16 აგვისტო 2015
- 3351
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
