მადრიდის "რეალის" შეტევის ხაზე მძიმედ გამოიყურება.

პრე-სეზონის განმავლობაში სამეფო კლუბმა არაერთი ამხანაგური მატჩი გამართა. გუნდის თავკაცი, რაფა ბენიტესი სულ იმას იმეორებდა, რომ ბენზემას, ბეილის და კრიშტიანოს ტრიო ხელშეუხებელი იქნებოდა და ისინი ძირითადი შემადგენლობის უცვლელი წევრები იქნებოდნენ.

მართალია ბენზემამ და რონალდომ ბოლო ორ დაპირისპირებაში მონაწილეობა ვერ მიიღეს, თუმცა მათ სეზონის წინა მოსამზადებელი პერიოდი უჩვეულოდ დაიწყეს. იგივე შეგვიძლია ვთქვათ გარეთ ბეილზეც.

მადრიდის "რეალის" გულშემატკივარი BBC-სგან უხვ გოლებს არის მიჩვეული. სეზონში ისინი 100-ჯერ ახერხებენ მეტოქის კარის ბადეში ბურთის გახვევას. პრე-სეზონზე კი მათ ბენიტესის დამრიგებლობის ქვეშ მუშაობა როგორც ჩანს გაუჭირდათ, რადგან, "ბლანკოსის" შემტევმა ტრიომ მხოლოდ სამი გოლის გატანა მოახერხა: ბენზემა (1), ბეილი (1) და რონალდო (1).

აშკარაა, რომ BBC ჯერ-ჯერობით ჩრდილშია მოქცეული და ამ ჩრდილიდან მათი გამოყვანა რაფაელ ბენიტესმა უნდა სცადოს, რადგან მას ძალიან დიდი პასუხისმგებლობა აქვს თავის თავზე აღებული.

Marca.com������� dle 10.1������� ������� ������