არსენ ვენგერმა მიზნად პრემიერ ლიგის მოგება დაისახა და შემადგენლობის გაძლიერებას აპირებს. როგორც მოგეხსენებათ, უკვე დიდი ხანია მედია საშუალებებით ვრცელდება ჭორები ბენზემას მეთოფეებში გადასვლასთან დაკავშირებით. დღეს კი Daily Star ავრცელებს ინფორმაციას, რომ ფრანგი ფორვარდის გარდა არსენალი ისკოს შეძენასაც გეგმავს.

ისკომ ჯერ-ჯერობით მადრიდის რეალის ძირითად შემადგენლობაში ადგილის დამკვიდრება ვერ მოახერხა. მართალია, მას სათამაშო დრო არ აკლია და ეფექტური თამაშის წყალობით გულშემატკივრებს მალევე შეაყვარა თავი, თუმცა მაინც სათადარიგო ფეხბურთელად განიხილება. ლონდონური კლუბი მზად არის სამეფო კლუბთან მოლაპარაკებები დაიწყოს ნახევარმცველის ტრანსფერთან დაკავშირებით.

რაც შეეხება კარიმ ბენზემას, მისი ტრანსფერის შესახებ ხმები ბოლო პერიოდში შეწყდა. ვარაუდობენ, რომ ფლორენტინო ჯერ მზად არ არის გაუშვას ბენზემა, რადგან არ ჰყავს ალტერნატიული ვარიანტი შერჩეული.������� dle 10.1������� ������� ������