ხამესი: „„ბერნაბეუს“ მხარდაჭერის იმედი გვაქვს“
მადრიდის „რეალის“ კოლუმბიელმა შემტევმა ხამეს როდრიგესმა, ჩემპიონთა ლი„გის განმეორებით თამაშზე ისაუბრა.
„მაქსიმალური კონცენტრაცია უნდა მოვახდინოთ მომავალ დაპირისპირებაზე.მხოლოდ ერთსულოვნებისა და კარგი თამაშის წყალობით დავაფიქსირებთ სასურველ შედეგს.“
„ერთხელ და სამუდამოდ დაღი უნდა დავასვათ „ატლეტიკოსთან“ წარუმატებელ ასპარეზობას.რა თქმა უნდა, ადგილობრივი გულშემატკივრების იმედი გვაქვს და დარწმუნებული ვარ, მათგან მხარდაჭერა არ მოგვაკლდება.ძალიან გამიხარდება, თავის გამოჩენას თუ მოვახერხებ.“
„მეტოქეს ინტენსიური ფეხბურთი უნდა შევთავაზოთ.მთავარია, მოთმინებით მივუდგეთ საქმეს, ბურთზე კონტროლი მოვიპოვოთ, სივრცეები მოვიძიოთ და მომენტები მაქსიმალურად გამოვიყენოთ.“
„ვფიქრობ, ტრავმის შემდეგ სრულად აღვიდგინე კონდიციები და სასარგებლო ვარ გუნდისათვის.იმედია, ამავე ტემპში გავაგრძელებ.“
„მწვრთნელი ფეხბურთელებს დიდ ნდობას გვიცხადებს, რაც მეტად მნიშვნელოვანია.ანჩელოტის გამოცდილება ხელს გვიწყობს განვითარებაში.“
„მე და ისკომ ბევრი ვისწავლეთ.ჩვენ ახალგაზრდები ვართ და პროგრესი არ უნდა შევწყვიტოთ.“
„მადრიდში თამაში ზეწოლას უკავშირდება, მაგრამ ამაზე არ ღირს ყურადღების გამახვილება.დიდხანს ვაპირებ სამეფო კლუბის ფერების დაცვას.“
AS
- 20 აპრილი 2015
- 1925
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
