დი მატეო:"სამეფო კლუბი კრიზისშია? ეს სასაცილოც კი არ არის"
"შალკეს" მწვრთნელმა, რობერტო დი მატეომ "რეალთან" დაპირისპირებამდე მატჩიწინა პრეს-კონფერენცია გამართა...
"ვინც ფიქრობს, რომ მადრიდის "რეალში" კრიზისია, სჯობს კარგად დაფიქრდეს, რადგან ეს სასაცილოც აღარ არის. კარლო ანჩელოტის შესანიშნავი გუნდი ჰყავს, რომელმაც "ველტინს არენაზე" 0-2 მოგვიგო და 1/4 ფინალისკენ გზა გაიკვალა. ბოლომდე უნდა ვიბრძოლოთ, სამეფო კლუბთან ხუმრობა არ შეიძლება."
"ბეილთან, კრიშტანოსთან და ბენზემასთან ჩემი ფეხბურთელები განსაკუთრებული ყურადღებით ითამაშებენ, რადგან ეს ტრიო მეტისმეტად სახიფათოა."
"ბილბაოს "ატლეტიკთან" კარლოს გუნდმა არადამაჯერებლად ითამაშა, მაგრამ ეს არაფერს წყვეტს, თანაც მატჩი "სან მამესზე" იმართებოდა, ახლა კი ყველაფერი სანტიაგ ბერნაბეუზე გადაწყდება, რაც ხელს სწორედ "ბლანკოსს" აძლევს."
"არაერთი ძლიერი გუნდი დამიმარცხებია, "ინტერი, "ბაიერნი" და სხვები. იმედი მაქვს, მათ რიცხვს მადრიდული გიგანტიც შეუერთდება."
- 10 მარტი 2015
- 3711
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
