ნაჩო:"მნიშვნელოვანი 3 ქულა მოვიპოვეთ"
ნაჩო ფერნანდესმა გამარჯვების შემდეგ ჟურნალისტებისთვის მოიცალა და კომენტარი გააკეთა...
მატჩი "დეპორტივოსთან"
"რთული დაპირისპირება იყო, მაგრამ მადრიდული გუნდი სრულ უპირატესობას ფლობდა. არაერთი მომენტი შევქმენით, მაგრამ მხოლოდ ორჯერ მოვახერხეთ გოლის გატანა. ამ შემთხვევაში 3 ქულას დიდი მნიშვნელობა ჰქონდა, ლიდერის სტატუსის შენარჩუნება პრიორიტეტულია."
შეცდომების ანალიზი
"მადრიდულ დერბიში ფიასკოს განცდის შემდეგ მთელმა კოლექტივმა გააანალიზა დაშვებული შეცდომები და სწორედ ამ მიმართულებით დაიწყო მუშაობა. ჩვენ მთელი კვირის მანძილზე ვცდილობდით მომხდარის დავიწყებას სასურველ ფორმაში ჩადგომას. ლა კორუნიელებთან ბევრად უკეთ ვითამაშეთ, მაგრამ სამუშაო გასაგრძელებელია."
გულშემატკივრები
"ქომაგებმა მხარი დაგვიჭირეს, მე მათი სტვენა არ გამიგია. მადრიდის "რეალი" და მადრიდული "ინჩადა" ერთმუშტად შეკრულ ძალას წარმოადგენენ."
ჩემპიონთა ლიგა
"დრო არც ისე ბევრი გვაქვს, მაგრამ ყველაფერს გავაკეთებთ გერმანიაში სასურველი თამაშის საჩვენებლად."
- 14 თებერვალი 2015
- 1339
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
