ანჩელოტი: „რონალდუ ნამდვილი ლიდერია“
კარლო ანჩელოტიმ A Bola-სთან საუბარში პორტუგალიელი ფეხბურთელები შეაქო.
„კრიშტიანუ უნიკალური ეფექტიანობით გამოირჩევა თანამედროვე ფეხბურთში.მას ექსტრაორდინარული ტალანტი აქვს და დიდი პროფესიონალია.ვფიქრობ, რთულია მისი დონის ფეხბურთელის მოძიება.“
„რონალდუ ნამდვილი ლიდერია გასახდელში.ის ბევრს ესაუბრება თანაგუნდელებს, განსაკუთრებით ახალგაზრდა მოთამაშეებს.პორტუგალიელი ისეთივე ნიშანდობლივია შემადგენლობაში, როგორებიც არიან პეპე, რამოსი, კასილიასი და მარსელო.“
„პეპე პროფესიონალი ფეხბურთელია, რომელიც გუნდური სულისკვეთებით გამოირჩევა.აღნიშნული კომპონენტით რომ შევაფასოთ მოთამაშეები, „სამიანს“ პირველ ადგილზე დავაყენებდი.ყოველთვის უფრო მეტ დროს უთმობს თანაგუნდელებზე ზრუნვას.“
„კოენტრაუ საკმაოდ კონკურენტუნარიანი მოთამაშეა, თუმცა ხშირად უწევს ლაზარეთში ყოფნა.განვლილ სეზონში, ტრავმიანობას დაემატა მისი პირადი პრობლემებიც, მაგრამ შემდეგ ყველაფერი მოგვარდა.„ბაიერნის“ წინააღმდეგ დიდებულად გაისარჯა და საგოლე გადაცემაც გაუკეთა ბენზემას.მას მხოლოდ კოცენტრაციისა და მოტივაციის დონე აქვს გასაუმჯობესებელი, რამეთუ რიგითი მატჩებს წინ ინტენსიურად არ ვარჯიშობს.“
AS
- 12 თებერვალი 2015
- 4555
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
