სამეფო კლუბი ოსასუნას დასამარცხებლად ვარჯიშს განაგრძობს. გუნდს შეუერთდნენ გარაი და გრანერო. ყველაზე კარგი ამბავი კი ის არის, რომ გუტიმ, ალბიოლმა, ვან ნისტელროიმ და კაკამ ტრავმები მოიშუშეს და თანაგუნდელებთან ერთად ივარჯიშეს. შეგახსენებთ, რომ მაჰამადუ დიარა აფრიკის თასზე გაემგზავრა და იგი დაახლოებით ერთი თვის განმავლობაში ვერ დაეხმარება გუნდს. რაც შეეხება კასილასს, არბელოას, რამოსს, იგუაინსა და გაგოს, ისინი საღამოს განაახლებენ ვარჯიშს.

მანუელ პელეგრინის ფეხბურთელებს საკმარისი დრო მიეცათ დასასვენებლად. ახლა კი გუნდში ფეხბურთელები ნელ-ნელა თავს იყრიან (ბრუნდებიან) და დღეს საღამოს სრული შემადგენლობით ივარჯიშებენ. ჩეილელმა სპეციალისტმა გუნდი ორ ნაწილად დაყო და ისე ავარჯიშა.


რაც შეეხება გუტის, ალბიოლს, რუდ ვან ვისტელროისა და კაკას, მათ ერთი საათი სტადიონზე დაჰყვეს, შემდეგ კი სპორტულ დარბაზში შევიდნენ და ფიზიკური ვარჯიშები შეასრულეს.


შემდეგი შეკრება მადრიდის დროით 16:30-ზე შედგება და როგორც ზემოთ აღვნიშნეთ, გუნდს უკვე იკერ კასილასი, სერხიო რამოსი, ალვარო არბელოა, გონსალო იგუაინი და ფერნანდო გაგო შეუერთდებიან.




������� dle 10.1������� ������� ������