როგორც უკვე მოგახსენეთ, ”უეფას” რეგლამენტის თანახმად, ფეხბურთელს მხოლოდ ორ შემთხვევაში შეუძლია გუნდის დატოვეება ზამთრის სატრანსფერო ფანჯარაზე (მოკლედ, მოთამაშე იმ შემთხვევაში დატოვებს გუნდს, თუ ის სარგებლობს თავისუფალი აგენტის სტატუსით ან თუ ეწურება კონტრაქტი უახლოეს 6 თვეში).

სამეფო გუნდის ამჟამინდელი შემადგენლობიდან, სამია ისეთი ფეხბურთელი, რომელთაც შეუძლიათ კლუბის დატოვება ზამთრის სატრანსფერო ფანჯარაზე.კონკრეტულად, იეჟი დუდეკს, რუუდ ვან ნისტერლოისა და კრისტოფ მეტცელდერს, აქვთ უფლება კლუბის გამოცვლისა.სამივე მათგანს 2010 წლის 30 ივნისს ეწურებათ ხელშეკრულება ესპანური ფეხბურთის გიგანტთან.

ჩამოთვლილი ფეხბურთელებიდან, ვან გოლისა და მეტცეს გუნდში დარჩენის საკითხი კითხვის ნიშნის ქვეშ დგას.სამწრუხაროდ, წლევანდელ სეზონში მათ მიერ ჩატარებული მატჩების რაოდენობა თითზე ჩამოსათვლელია.რასაკვირველია, მადრიდიდან გადაბარგება არავის სურს, თუმცა წინ მსოფლიო ჩემპიონატი მოდის და სამხრეთ აფრიკაში თამაში ყველას სურვილია.იმისათვის, რომ ნისტერლოიმ და მეტცელდერმა მოიპოვონ ეროვნული გუნდების მწვრთნელების ნდობა, ამისათვის საჭიროა მეტი სათამაშო დრო.ამიტომაც არ არის გასაკვირი, თუ ასეთი პრობლემის წინაშე მდგარი ფეხბურთელები გაეშურებიან იქ, სადაც შესაძლებელი იქნება სათამაშო პრაქტიკის მიღება.

რაც შეეხება პოლონელ გოლკიპერს, ის სავარაუდოდ, გააგრძელებს კასილასის დუბლიორობას.