გამოცემა ”მარკას” აზრით, დონ ფლორენტინო პერესი ”გალაქტიკოსის” გასაძლიერებლად, 2010 წელს სამი ვარსკვლავის შეძენას აპირებს.

მადრიდული კლუბის პრეზიდენტის ობიექტივში, ამჯერად დევიდ ვილია, უეინ რუნი და კუნ აგუერო მოხვდნენ.სწორედ ამ ფეხბურთელების დამატებაზეა საუბარი, 2010 წლის ზაფხულის სატრანსფერო ფანჯარაზე.

როგორც გაირკვა, კუნ აგუერო ხორხე ვალდანოს ახირება ყოფილა, ხოლო დევიდ ვილიას ტრანსფერი, პერესის ერთ-ერთი დანაპირებიცაა.მადრიდელები ”ღამურელთა” მთავარ მეგოლეს ჯერ კიდევ კალდერონის ეპოქაში აკვირდებოდნენ, თუმცა დონ რამონს არა ერთხელ ჩაუვარდა კოვზი ნაცარში.

ჩემი აზრით, სრულიად გაუგებარია რაში უნდა გამოვიყენოთ უიენ რუნი, მაგრამ პერესის ”ხასიათს” თუ გავითვალისწინებთ...ასევე უნდა აღინიშნოს, რომ ინგლისელი თავდასხმელის გადასაბირებლად, თავის ყოფილ თანაგუნდელზე, რონალდუზე, ამყარებენ იმედებს.პორტუგალიელმა თავის ბოლო ინტერვიუში აღნიშნა, რომ რუნი კარგად მოერგება”რეალსო.”

მოკლედ, ამ სამი ფეხბურთელის ყიდვას აპირებს დონ პერესი 2010 წელს.