კაპელო : "ისკო მოდრიჩის შემცვლელი ვერ იქნება"
ლეგენდარული იტალიელი სპეციალისტის, ფაბიო კაპელოს განცხადებით, მადრიდის "რეალს" ლუკა მოდრიჩის სრულფასოვანი შემცვლელი არ ჰყავს, თუმცა ეს ტვირთი ყველაზე მეტად ასიერ ილიარამენდიმ და სამი ხედირამ უნდა იკისრონ...
"ხორვატი მოთამაშე ანჩელოტის ფორმაციის "რეალისთვის" უდიდესი დანაკლისია, რომლის სრულად აღმოფხვრა წარმოუდგენელი გახლავთ, რადგან სწორედ ლუკა არის მამოძრავებელი ძალა."
"ისკო ალარკონი დიდებული ფეხბურთელია, რომელმაც ამ სეზონში თვალნათლივი პროგრესი გვაჩვენა. ვგონებ, ესპანელი ნახევარმცველი სულ მალე გახდება მადრიდული კლუბის შეუცვლელი ფიგურა, თუმცა ის ვერ ჩაანაცლებს მოდრიჩს, რადგან აბსოლუტურად განსხვავებული სტილის და პოზიციის მოთამაშე გახლავთ."
"ჩემი აზრით ყველაზე კარგი გამოსავალი ტონი კროოსის ლუკას ადგილზე დაყენება და ჩამშლელად ასიერ ილიარამენდის ან სამი ხედირას გამოყენება გახლავთ."
"ანჩელოტიმ ყველაზე კარგად იცის საკუთარ კოლექტივში არსებული სიტუაცია, დარწმუნებული ვარ ის ოპტიმალურ გადაწყვეტილებას მიიღებს."
- 19 ნოემბერი 2014
- 4529
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
