ბუტრაგენიო : "გუნდი აღმავლობის გზაზეა"
ემილიო ბუტრაგენიომ "გრანადას" დამარცხების შემდეგ საკუთარი მოსაზრება გამოთქვა...
"მიუხედავად იმისა, რომ გუნდის ლაზარეთში სიცარიელე არ შეიმჩნევა, კარლო ანჩელოტი ყველაფერს აკეთებს სტაბილურობისთვის. მოგებებების სერიას ვაგრძლებთ, რაც ძალიან მნიშვნელოვანი ფაქტორი გახლავთ."
"ისკო უდიდეს დახმარებას გვიწევს, ესპანელი ფეხბურთელი შესანიშნავად თამაშობს."
"მატჩის პირველი ნახევარი ეფექტურად ჩავატარეთ და საკმაოდ კომფორტული ჰანდიკაპი შევქმენით, რამაც მეორე ტაიმში მშვიდად გამოსვლის საშუალება მოგვცა. კარიმ ბენზემას გოლის შემდეგ პაექრობამ ფორმალური ხასიათი მიიღო, რადგან გამარჯვებული ვინაობა თვალნათლივი გახდა."
"ლუკა მოდრიჩი ტონი კროოსთან ერთად ფანტასტიურ წყვილს ქმნის. ეს დუეტი ძალიან მობილური გახლავთ, რომელიც მოედნის ცენტრში კომბინირებენ, გერმანულ-ხორვატიული წყვილი "ბლანკოსის" მამოძრავებელ ძალას წარმოადგენს, მათი გრძელი და მოკლე გადაცემები მატჩს ხიბლს სძენს."
"ახლა უკვე ჩემპიონთა ლიგაზე ვიფიქრებთ, რადგან პრინციპული მეტოქე გვყავს "ლივერპულის" სახით. მართალია "ენფილდზე" გავიმარჯვეთ, თუმცა ეს არანაირ გარანტიას არ იძლევა."
- 1 ნოემბერი 2014
- 1755
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
