LFP-ს გადაწყვეტილებით, სერხიო რამოსი გასული სეზონის საუკეთესო მცველი გახდა.

"ჩვენ "ბარსელონასთან" დიდებული პერფორმანსი შევთავაზეთ მაყურებელს. ფანებმა ისიამოვნეს და ეს ჩვენთვის უმთავრესია. ჩვენ მუშაობა უნდა გავაგრძელოთ, რადგან სათქმელი და დასამტკიცებელი კიდევ ბევრი გვაქვს."

რამოსმა აგრეთვე კომენტარი გააკეთა სამეფო კლუბის კონტრ-იერიშებზე და დაცვის ცენტრში თამაშზე: "არსებობს 20000-მდე მოსაზრება, თუ რომელი კლუბი არის საუკეთესო, თუმცა ვისაც ფეხბურთი ესმის, დამეთანხმება, რომ მადრიდის "რეალი" ფანტასტიკურად ასპარეზობს, იყავით რეალისტები."

ასევე, ბლანკოსის ვიცე-კაპიტანმა ქებით შეამკო იტალიელი სპეციალისტი,კარლო ანჩელოტი. SR4-ის განცხადებით, დონ კარლიტო იდეალური მწვრთნელი და დიდებული პიროვნებაა. მისგან ყოველთვის პოზიტიური ემოციები მოდის, რაც გუნდის სულისკვეთებას უფრო მტკიცეს ხდის.

ინტერვიუს ბოლოს რამოსმა დასძინა: "მართალია ლა ლიგის წინა ტურში კატალონიელების დამარცხება და სამი ქულის მოპოვება მოვახერხეთ, რაც უმნიშვნელოვანესი იყო ჩვენთვის, მაგრამ ჯერ-ჯერობით ცხრილში პირველ ადგილს არ ვიკავებთ და მიმდინარე სეზონში საუკეთესო კლუბად არ ვიწოდებით."

Marca.com������� dle 10.1������� ������� ������