ბლანკოსი ბეგოვიჩის კანდიდატურას განიხილავს
მადრიდის "რეალის" სკაუტები მეკარეების ძიებას განაგრძობენ.
სამეფო კლუბის ხელმძღვანელობა ბევრს ფიქრობს, თუ ვინ იქნება იკერ კასილასის ღირსეული შემცვლელი. როგორც იცით, მადრიდელთა კაპიტანი უკვე ასაკშია და დიდი შანსია იმისა, რომ მას რამდენიმე წელიწადში კარიერა დაასრულოს. სწორედ ამიტომ, ფლორენტინო პერესმა გასული სატრანსფერო ფანჯრის პერიოდში შეიძინა კოსტა-რიკელი კიპერი, კეილორ ნავასი, რომელსაც თამაშისთვის და თავის გამოჩენისთვის საკმარისი დრო არ მიეცა.
თეთრების სკაუტებმა ამჟამად თვალი დაადგეს "სტოკ სიტის" მეკარეს ასმირ ბეგოვიჩს. 27 წლის ბოსნიელი საკმაოდ მაღალ დონეზე ასპარეზობს და დიდებულ ფორმაში იმყოფება. ბლანკოსის ხელმძღვანელობამ მისი კანდიდატურა უკვე განიხილა და ახლა ოფიციალური შეთავაზების მომზადების პროცესში არიან. Daily Mirror-ის ინფორმაციით, შესაძლოა ბეგოვიჩი მომდევნო სეზონიდან სამეფო კლუბის ფორმაში გამოწყობილი ვიხილოთ.
Bernabeudigital.com
- 19 ოქტომბერი 2014
- 1593
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
