მაიკონი: რეალში თამაშზე უარს არავინ იტყვის
ინტერის ბრაზილიელმა მცველმა, მაიკონმა განაცხადა, რომ მადრიდის რეალი მსოფლიოს ერთ-ერთი საუკეთესო კლუბია და ამ გუნდში თამაშზე არაცერთი ფეხბურთელი არ იტყოდა უარს...
,,მადრიდის რეალი მსოფლიოს ერთ-ერთი საუკეთესო კლუბია, მათ ჰყავთ მსოფლიოს საუკეთესო ფეხბურთელები. წელს რეალი ძალიან ძლიერი გუნდია, ამ გუნდში თამაშზე არცერთი ფეხბურთელი არ იტყვის უარს, რადგან ,,ბლანკოსი" მდიდარია უდიდესი ისტორიით და ტრადიციებით".
,,ფლორენტინო პერესის ჩემდამი დაინტერესების შესახებ ბევრი მსმენია მაგრამ მე ინტერთან მაკავშირებს კონტრაქტი და ჯერჯერობით არსად წასვლას არ ვაპირებ ".
,, ჟოზე მაურინიოსთან უნიკალური ურთიერთობა მაქვს და მას საუკეთესო მწვრთნელად ვთვლი მთელ პლანეტაზე, იგი უჩვეულო და ძალიან ორიგინალური დამრიგებელია, რომელსაც ძალიან კარგად ესმის ფეხბურთის თითოეული ასპექტი" - განაცხადა ბრაზილიელმა მარჯვენა მცველმა.
- 17 დეკემბერი 2009
- 3813
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
