რეალი ნეგრედოს ვარიანტს კვლავ განიხილავს
ამ ეტაპზე მადრიდის რეალში მხოლოდ ერთი ცენტრ-ფორვარდი კარიმ ბენზემა ირიცხება, მიუხედავად იმისა, რომ ანჩელოტის გუნდში ბევრ ფეხბურთელს შეუძლია მისი შეცვლა ნომინალური ფორვარდი სამეფო კლუბს მაინც სჭირდება.
გავრცელებული ინფორმაციის თანახმად, სამეფო კლუბი და მონაკო ფალკაოს ტრანსფერზე ვერ შეთანხმდნენ, აქედან გამომდინარე თეთრებს სხვა ფეხბურთელის მოძებნა მოუწევთ. სამწვრთნელო შტაბის გადაწყვეტილებით კი საუკეთესო ვარიანტი ალვარო ნეგრედო იქნება, რომელიც სამეფო კლუბის აღზრდილია და კარგად იცნობს ბლანკოსს.
მსგავსი ინფორმაცია ვრცელდებოდა სატრანსფერო ფანჯრის გახსნის დროსაც, თუმცა მაშინ ორივე მხარემ უარყო ინტერესი. სატრანსფერო ფანჯრის დახურვამდე ცოტა დრო რჩება, ვნახოთ როგორ განვითარდება მოვლენები.
- 22 აგვისტო 2014
- 1663
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
