მოია : "ანჩელოტის გუნდს დავამარცხებთ"
მადრიდის "ატლეტიკოს" ახალი ძირითადი კიპერის, მიგელ ანხელ მოიას განცხადებით, მისი გუნდი კარლო ანჩელოტის კოლექტივის ძლევას შეძლებს...
"ძალიან ნაყოფიერი პრე-სეზონი ჩავატარეთ. ჩვენ არაერთი მნიშვნელოვანი მეტოქე დავამარცხეთ და გვჯერა, რომ სეზონს კარგ ფორმაში ვხვდებით."
"პრე-სეზონზე მხოლოდ 2 გოლი მივიღე საკუთარ კარში და იმედი მაქვს "ბლანკოსთან" ორივე პაექრობაში მშრალად შევინახავ საკუთარი გუნდის კარს."
"სამეფო კლუბს ძალიან სახიფათო შემტევები აქვს, რომელთაგან პირველ რიგში კრიშტიანო რონალდუს გამოვარჩევ, პორტუგალიელი ფეხბურთელი ძალიან დიდ სისწრაფეს ანვითარებს."
"არ შეიძლება დავივიწყოთ კარიმ ბენზემა, რომელიც ძალიან ძლიერ ფორვარდად ჩამოყალიბდა, ფრანგი ფორვარდი ყოველთვის კარის აღებაზეა დაგეშილი."
"ჩვენ გუნდში არაერთი ცვლილება მოხდა, ახალწვეულები ადაპტაციას კარგად გადიან. დარწმუნებული ვარ ლა ლიგის მოსაგებად კვლავაც ვიბრძოლებთ, თუმცა მანამდე ესპანეთის სუპერთასის ოქროს მედლებს უნდა დავეუფლოთ."
- 17 აგვისტო 2014
- 1965
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
