ხამეს როდრიგესი "მადრიდის რეალის" ფეხბურთელია. ეს ინფორმაცია სულ ცოტა ხნის წინ სამეფო კლუბის ოფიციალურმა ვებ-გვერდმაც დაადასტურა

ხამეს როდრიგესმა ოცნება აისრულა და ის დღეიდან "მადრიდის რეალის" ფეხბურთელია. კოლუმბიელი არასდროს არ მალავდა, რომ "თეთრი" ფორმის გულშემატკივარი იყო. უფრო მეტიც, აპრილის თვეში ის მიუნხენში იყო ჩასული "მადრიდის რეალის" საგულშემატკივროდ. მაშინ "თეთრებმა" მიუნხენლები 4:0 ანგარიშით დაამარცხეს ჩემპიონთა ლიგის ნახევარფინალში. ხამესმა მაშინ კრიშტიანო რონალდუსთან ერთადაც გადაიღო ფოტო და სოციალურ გვერდზე შემდეგი წარწერით გააზიარა: "ფეხბურთის ფენომენი. როგორც ყოველთვის, რონალდუ საუკეთესოა". მსოფლიო ჩემპიონატზე ასპარეზობისას კი კიდევ ერთხელ დაადასტურა თავისი სიყვარული "მადრიდის რეალისადმი", როცა აღნიშნა: "ესპანეთში თამაში ჩემი ოცნებაა. "მადრიდის რეალი" კი ერთადერთი კლუბია, რომელშიც ვითამაშებდი ესპანეთში გადმოსვლისას."


წყარო: RealMadrid.com������� dle 10.1������� ������� ������