მოგეხსენებათ, ფლორენტინო პერესს ფრანგული პარისენჟერმენისგან ძალიან კარგი წინადადება აქვს. დედაქალაქელები ანხელ დი მარიას სანაცვლოდ სამეფო კლუბს 60 მილიონ ევროს სთავაზობენ, რაც თავისთავად ძალიან დიდი თანხა გახლავთ...

რამდენიმე წლის წინ ესპანელმა პრეზიდენტმა ანხელში 25 მილიონი ევრო გადაიხადა, მას შემდეგ კი არგენტინელმა არნახული პროგრესი განიცადა და შესაბამისადაც ფასიც გაცილებით უფრო დიდია.

ამჟამად არგენტინელ ნახევარმცველს სამეფო კლუბში ხელფასის სახით 4 მილიონი ევრო აქვს.

საყოველთაოდ ცნობილი გახლავთ, რომ პარიზელები ფეხბურთელს გაორმაგებულ ჰონორარს სთავაზობენ, თუმცა ყველაფერი 8 მილიონით შემოიფარგლება.

გავრცელებული ინფორმაციის მიხედვით "პსჟ"-ს ხელმძღვანელობა მზად არის კიდევ ერთ დათმობაზე წავიდეს და დი მარის სარეკლამო შემოსავლების 70%-ის განკარგვის უფლება მისცეს. ზოგადად კლუბსა და ფეხბურთელს შორის დამატებითი შემოსავლები 50%-50%-ზე ნაწილდება, თუმცა როგორც ხედავ დედაქალაქელები ფეხბურთელის მოსათაფლად ყველაფერს აკეთებენ და მზად არიან მხოლოდ 30%-ს დასჯერდნენ.������� dle 10.1������� ������� ������