გამომცემლობა AS-ი სანდო წყაროზე დაყრდნობით აცხადებს, რომ ხამეს როდრიგესი უკვე "მადრიდის რეალის" ფეხბურთელია.

ხამეს როდრიგესის გამადრიდელება გარდაუვალია. ტონი კროოსისა და კეილორ ნავასის შეძენის შემდეგ, "თეთრებმა" გუშინ კიდევ უფრო დააჩქარე მოლაპარაკებები "მონაკოსთან" და 23 წლის კოლუმბიელის მომავალთან დაკავშირებით შეთანხმებასაც მიაღწიეს. ფეხბურთელი მომდევნო ხუთი წლის მანძილზე მოირგებს "მადრიდის რეალის" ფორმას. აღნიშნულ ინფორმაციას ამ დღეებში სამეფო კლუბიც ოფიციალურად დაადასტურებს.

AS-ის ინფორმაციით, ხამესი "მადრიდის რეალში" წლიურად 7,5 მლნ. ევროს გასამრჯელოს მიიღებს, მსოფლიო ჩემპიონატის ბომვარდირი მუდამ აცხადებდა, რომ "ბერნაბეუზე" თამაში მისი ოცნება იყო.

გუშინ ღამე მოლაპარაკებების მორიგი რაუნდი გაიმართა. თუ მანამდე "მონაკო" 80 მლნ. ევროს ითხოვდა, ამჟამად 70 მლნ. ევრომდე ჩამოვიდნენ, პლიუს ფეხბურთელი. "მონაკო" პეპეს ითხოვს დამატებით, მაგრამ აღნიშნულს "მადრიდის რეალი" სასტიკად ეწინააღმდეგება. მეორე ვარიანტად კოენტრაო მიაჩნდათ ფრანგებს, მაგრამ ამაშიც არ გაუმართლათ და "თეთრების" მხრიდნა უარი მიიღეს. ყველაფერი იქითკენ მიდის, რომ საბოლოოდ მხარეები ტრანსფერში კაზემიროს ჩართვაზე შეთანხმდებიან.

წყარო: AS������� dle 10.1������� ������� ������