კარლო ანჩელოტი სამუშაოს შეუდგა, სამეფო კლუბის ფეხბურთელები, რომლებიც ბრაზილიის მუნდიალზე არ იყვნენ გამგზავრებულები "ვალდებებასს" ეწვივნენ და ვარჯიში გამართეს..

იტალიელი სპეციალისტის განკარგულებაში მთელი გუნდი არ არის, ამიტომ მან 12 კასტილიელი მოთამაშე გამოიძახა, რომელსაც აქტიუად აკვირდება და ფიქრობს, რომელი მოთამაშე შეძლებს მომდევნო სეზონისთვის მთავარი გუნდის ღირსების დაცვას.

ანჩელოტიმ აბსოლუტურად ყველა ვარჯიში შეასრულებინა მოთამაშეებს როგორც ბურთთან ერთად, ასევე მის გარეშე, ფეხბურთელები მაქსიმალურად ბევრს ვარჯიშობენ და ცდილობენ საკუთარი კონდიციები დროულად აღიდგინონ.

მეკარეებს ვილიამ ვეკი ავარჯიშებდა, რომელმაც შარშან საკმაოდ ნაყოფიერად იმუშავა.

რაც შეეხება ფერნანდო იეროს, ესპანელი ლეგენდა კარლო ანჩელოტისთან ერთად იმყოფებოდა და პირველი სავარჯიშო სესია საკმაოდ წარმატებით ჩაატარებინა დამრიგებელთა შტაბს.