მსოფლიო ჩემპიონატის პარალელურად, კალათბურთის ქომაგების ყურადღება, ესპანეთის „ენდესა ლიგის“ სუპერფინალისკენაა მიმართული.

„რეალი“ და „ბარსელონა“ ქვეყნის პირველობისთვის ეჯიბრებიან ერთმანეთს და ეს ყველაფერი, დაძაბული და დრამატული სანახაობის ფონზე მიმდინარეობს.ამ ეტაპისათვის, გუნდები უკვე 2 შეხვედრას მოითვლიან.სამწუხაროდ, მადრიდელებმა მოედნის უპირატესობა დათმეს, თუმცა პირველი მარცხის შემდეგ, გუშინ მოახერხეს სერიაში ანგარიშის გათანაბრება (1-1) და ახლა უკვე კატალონიაში, რთულ პირობებში მოუწევთ ტიტულისათვის ბრძოლა.

განვლილ ორთაბრძოლაში, ლასოს დამოძღვრილებმა 9 ქულიანი სხვაობით ძლიეს მოწინააღმდეგეს.გამოსარჩევია რუდი ფერნანდესის ბურთაობა, რომელმაც 17 ქულას მოუყარა თავი, ხოლო მისი თანაგუნდელების მონაგარი შემდეგია: ლული (4), დარდენი (12), მიროტიჩი (4) ბურუსისი (12); რეიესი (10), სერხიო როდრიგესი (12), კეროლი (5), დიასი (-), დრაპერი (-), სლოტერი (-) და მეხრი (11).

შეგახსენებთ, რომ რიგით მესამე თამაში, 24 ივნისს შედგება, ხოლო ჩემპიონობი ის გახდება, ვინც 3 გამარჯვებას მოუყრის თავს.������� dle 10.1������� ������� ������