როგორც ჩანს მადრიდის "რეალსა" და კატალონიის "ბარსელონას" სამტრო ფრონტები ეცოტავათ და ახლა ახალი მიზნის განხორციელებისთვის შეებრძოლებიან ერთმანეთს, რასაც ურუგვაელი ფორვარდის, ლუის სუარესის ტრანსფერის გაჩარხვ ჰქვია...

ფლორენტინო პერესმა ინგლისელებს ფეხბურთელის სანაცვლოდ 70 მილიონი ევრო შესთავაზა, რაც თავისთავად ძალიან დიდი თანხა გახლავთ, თუმცა როგორც ჩანს მხოლოდ ეს არ კმარა და ლივერპული "ნერვებზე თამაშს" დაიწყებს, რადგან ინგლისელებს რამდენიმე შეთავაზებიდან საუკეთესოს არჩევა შეუძლიათ.

Daily Mirror-ის ცნობით კატალონიის "ბარსელონას" ხელმძღვანელობა მზად არის, ლუისს კვირაში 180.000 ევრო შესთავაზოს, რაც წლიურად დაახლოებით 9 მილიონს უტოლდება, ამ შემთხვევაში წინახაზელი "ბლაუგრანას" ერთ-ერთი ყველაზე მაღალანაზღაურებადი ფეხბურთელი იქნება.

ჯერ-ჯერობით უცნობია რა წინადადება აქვთ კატალონიელებს თავად მერსისაიდელებთან, ფეხბურთელის ხელფასის განსაზღვრა კი მათი მხრიდან ნამდვილად მაცდური უნდა იყოს.

დაველოდოთ მოვლენათა განვითარებას.������� dle 10.1������� ������� ������