ვან დერ ვაარტი : "ფინალის უდავო ფავორიტი რეალია"
რაფაელ ვან დერ ვაარტის განცხადებით, ჩემპიონთა ლიგის ფინალში აუცილებლად მადრიდის "რეალი" გაიმარკვებს, რადგან ამ კლუბის გულშემატკივრებისთვის დერბიში მარცხი კატასტროფის ტოლფასი იქნება...
"წლების მანძილზე ვთამაშობდი მადრიდში და ვიცი თუ რას ნიშნავს "ლა დესიმა" ესპანელი ქომაგებისათვის, ისინი ამას 2002 წლის შემდეგ ელიან."
"ალბათ დამეთანხმებით 12 წლიანი პაუზა ისეთი დიდი გუნდისთვის, როგორიც "ბლანკოსი" გახლავთ, მეტისმეტად ბევრია, აქედან გამომდინარე კარლო ანჩელოტის გუნდი უბრალოდ ვალდებულია თასი აღმართოს და გულშემატკივართა გულები გაახაროს."
"კრიშტიანო რონალდუს ძალიან დიდ პატივს ვცემ და ვთვლი, რომ პორტუგალიელმა ფეხბურთელმა დამსახურებულად მოიგო ოქროს ბურთი და გამიხარდება, თუ მის წლევანდელ ტიტულებს ჩემპიონთა ლიგის თასიც შეემატება."
"ზოგადად, დერბი ყოველთვის საინტერესო, მითუმეტეს მაშინ, როდესაც ეს ევროპის ყველაზე პრესტიჟული და რეიტინგული ტურნირის ფინალში ხდება."
"უშეღავათო ბრძოლას ველი, იმედი მაქვს ერთ-ერთი საუკეთესო ფინალის მომსწრენი ვიქნებით."
- 23 მაი 2014
- 2316
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
