შარლოტა სპრინგერსი - კრიშტიანო რონალდუს ახალი გატაცება? ყვითელ პრესაში უამრავი ინფორმაცია ვრცელდება იმის შესახებ, რომ კრიშტიანო რონალდუსა და ირინა შეიკს შორის ბოლო დროს სიტუაცია დაიძაბა და პორტუგალიელი ვარსკვლავი ახალი "კანდიდატურებით" არის გატაცებული...

გავრცელებული ინფორმაციით რონის ახალი სიმპატია შარლოტა გახლავთ, რომელიც ამჟამად პორტუგალიის დედაქალაქში იმყოფება და ალბათ რთული მისახვედრი არ არის, რომ ის ჩემპიონთა ლიგის ფინალს დაესწრება , სადაც ერთმანეთს "ატლეტიკო" და "რეალი" დაუპირისპირდებიან.

ამასთან ერთად ვრცელდება ინფორმაცია იმის შესახებ, რომ სპრინგერსს კრიშტიანომდე საკმაოდ ახლო ურთიერთობა ჰქონდა მანჩესტერ იუნაიტედის ახალგაზრდა ფეხბურთელთან ადნა იანუზაისთან, მაგრამ მათი რომანი წარსულს ჩაბარდა.

მადრიდელი შემტევი ამ ეტაპზე კლუბთან ერთად იმყოფება და ვერცერთ ვარიანტში ვერ მოახერხებს შარლოტასთან შეხვედრას, რადგან კარლო ანჩელოტი ფეხბურთელებისგან სრულ კონცენტრაციას შაბათის დაპირისპირებაზე მოითხოვს, თუმცა არ არის გამორიცხული ჩემპიონობის შემთხვევაში რონის და მისი ახალი სიმპატიის ერთად დაფიქსირება მოხდეს.

გამოდის, რომ ფინალის ინტრიგებს არც ყვითელი პრესა ჩამორჩება, რომლის პაპარაცებიც აუცილებლად ჩაუსაფრდებიან "და ლუჟს" და ამ სტადიონზე განვითარებულ მოვლენებს.

სავარაუდოდ ყველაფერს ნათელი ფინალის შემდგომ მოეფინება. თუკი რონიმ თასი მოიგო და შეიკთან ერთად აღნიშნა, ჟურნალისტებს კოვზი ნაცარში ჩაუვარდებათ, თუმცა დაველოდოთ მოვლენათა განვითარებას.

თქვენ კი იხილეთ სპრინგერსის ფოტოები, ის არაერთხელ გაშიშვლებულა ფოტოგრაფთა წინაშე.