ალბათ, ყველაზე მტკივნეულია, როდესაც საუკეთესო კონდიციებში მყოფი ფეხბურთელის მონაწილეობა ჩ/ლიგის ფინალში, კითხვის ნიშნის ქვეშ დგას.

პორტუგალიელი მცველი, 7 მაისს, ვალიადოლიდში გამართულ დაპირისპირებაში დაშავდა.მან კოჭლობით დატოვა მწვანე მინდორი, ხოლო შემდეგ კლუბის ოფიციალურმა საიტმა გვაუწყა, რომ მის გამოჯანმრთელებას მინიმუმ 15 დღე დასჭირდებაო.

მიმდინარე კვირამდე, პეპე, ფიზიოთერაპევტების დაკვირვების ქვეშ ირჯებოდა.მისი გამოჯანმრთელების პროცესი წარმატებით მიმდინარეობდა, თუმცა სავარჯიშო მინდორზე გამოსვლის შემდეგ, ფეხბურთელმა კვლავ დისკომფორტი იგრძნო.აქედან გამომდინარე, რთულია ზუსტი პროგნოზის გაკეთება.ფინალამდე 2 დღით ადრე, ის მწყობში არ არის, თუმცა თანაგუნდელებს აუცილებლად გაჰყვება ლისაბონში და შემდეგ იქ მიიღებს ანჩელოტი საბოლოო გადაწყვეტილებას.

აღსანიშნავია, რომ როდესაც „ბლანკოსი“ ჩ/ლიგის მეშვიდედ აღმართვისათვის ემზადებოდა, პრედრაგ მიატოვიჩს იგივე პრობლემები აწუხებდა ჯანმრთელობასთან დაკავშირებით, რაც დღესდღეობით პეპეს.მონტენეგროელი შემტევი, „ამსტერდამ“ არენაზე ისე გავიდა, რომ 100 პროცენტით მზად არ იყო, თუმცა თავადაც კარგად იცით, თუ როგორ განვითარდა მოვლენები.66-ე წუთზე, პრედრაგმა გამარჯვების გოლი გაიტანა.

AS������� dle 10.1������� ������� ������