ლამი : "ჩვენ მაქსიმალისტები ვართ"
ფილიპ ლამის განცხადებით, მიუნხენის ბაიერნი მიმდინარე სეზონშიც ყველა ტიტულის მოსაპოვებლად იბრძოლებს და მიღწეული არ დააკმაყოფილებს...
"ძალიან ბრძოლისუნარიანი კოლექტივი ვართ და გვჯერა, რომ შარშანდელის განმეორებას მოვახერხებთ. ბუნდესლიგა უკვე მოვიგეთ და ამით ძალიან ბედნიერები ვართ, თუმცა ბაიერნი ყოველთვის მაქსიმალისტი იყო და არც ჩემპიონთა ლიგის მოგებაზე ვიტყვით უარს, ეს იქნება უდიდესი წარმატება გერმანული გიგანტისთვის."
"რეკორმაისტერს რეალთან არაერთი დაპირისპირება აქვს გამართული, სანტიაგო ბერნაბეუზე რამდენჯერმე მიასპარეზია და ამ სტადიონზე საკმაოდ კომფორტულად ვგრძნობ თავს, აქ ყოველთვის დიდებული ატმოსფერო სუფევს და ნამდვილი საფეხბურთო გარემოა შექმნილი."
"არ ვიცი სად ვითამაშებ, ეს მწვრთნელის გადასაწყვეტი იქნება, მე ყველაფრისთვის მზად ვარ, ბრძოლა ყოველთვის შემეძლო და არც ახლა მაქვს რაიმე პრობლემა კონდიციასთან დაკავშირებით."
"ყოველმხრივ მომზადებულები ვართ, ვიცით როგორ უნდა ვეთამაშოთ სამეფო კლუბს. შესაძლოა კრიშტიანო რონალდუს შეჩერება გაგვიჭირდეს, მაგრამ მასთან გასამკლავებლად მზად ვართ, რადგან ვთვლით, რომ პორტუგალიელის სტილს ასე თუ ისე ვფლობთ და მისი გაკონტროლება შეგვიძლია."
"თუ ფინალში გასვლა გვინდა სანტიაგო ბერნაბეუზე საუკეთესო შედეგი უნდა დავაფიქსიროთ, ამისთვის დიდი გარჯა და შრომა დაგვჭირდება, სხვა შემთხვევაში კარლო ანჩელოტის გუნდი გვაჯობებს, თითოეულ ფეხბურთელს დიდი მოტივაცია აქვს, ვნახოთ როგორ მოვახერხებთ გვარდიოლას რჩევა-დარიგებების სტადიონზე გადატანას.
- 23 აპრილი 2014
- 2109
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
