ბრაზილიელ განაპირა მცველს არცთუ ისე მოსაწონი სტატისტიკა აქვს „ბარსას“ წინააღმდეგ.

მართალია, მარსელომ სხვადასხვა სეზონებში სამჯერ იზეიმა „კლასიკოს“ მოგება, თუმცა აქედან, მხოლოდ 1 შედგა პრიმერა დივიზიონში, ხოლო დანარჩენი ორი, „კოპა დელ რეისა“ და სუპერ თასზე.

საინტერესოა, რომ გუნდის ძირძველმა მკვიდრმა, ლა ლიგის ეგიდით ჩატარებულ მატჩში, ჯერ კიდევ 2007/08 წ.წ. სეზონში სძლია კატალონიელებს, როდესაც საშინაო არენაზე, დედაქალაქელებმა 4-1 დაამარცხეს მეტოქე.ამის შემდეგ, ესპანეთის პირველობაზე, მარსელოს მონაწილეობა წარუმატებლად სრულდება „კულეების“ წინააღმდეგ - 2 ყაიმი და 6 წაგება.

კარლოსის მემკვიდრის არასახარბიელო სტატისტიკა, გარკვეულწილად მოურინიოს სინდისზეა.ეს უკანასკნელი, უმეტეს შემთხვევებში კოენტრაუს უფრო უცხადებდა ნდობას, ვიდრე მის კონკურენტს.„განსაკუთრებულის“ ეპოქაში 12 „კლასიკო“ შედგა, საიდანაც პორტუგალიელმა 8 შემთხვევაში, ხოლო მარსელომ მხოლოდ 4-ჯერ დაიწყო სასტარტოდან ასპარეზობა.

მომდევნო პაექრობაში, სამხრეთ ამერიკელი ძალისხმევას არ დაიშურებს, რათა უფერული სტატისტიკის გამო რევანში აიღოს.

MARCA������� dle 10.1������� ������� ������