გვარდიოლამ "მადრიდის რეალის" დასუსტება განიზრახა
გვარდიოლას სურს, რომ "მადრიდის რეალის" წარმატების ერთ-ერთი უმთავრესი შემოქმედი თავის გუნდში გადაიყვანოს
სეზონის ბოლოს შეიძლება ცოტათი გავერთოთ კიდევაც, ვინაიდან "მადრიდის რეალი" არაერთ "მეტად საინტერესო" წინადადებებს მიიღებს. ამჟამად საუბარია ლუკა მოდრიჩზე, რომელსაც ბრწყინვალე სეზონი აქვს წელს. როგორც გერმანიაში ამბობენ, პეპ გვარდიოლა ყურადღებით აკვირდება ხორვატი ფეხბურთელის განვითარებას "მადრიდის რეალში" და უკვე შემუშავებული აქვს გეგმა, თუ როგორ უნდა გადაიბიროს ის ბუნდესლიგაში. გვარდიოლა , როცა "ბარსელონას" მწვრთნელი იყო, მაშინაც ცდილობდა ხორვატის ყიდვას, მაგრამ მაშინ "ტოტენჰემმა" დიდი თანხა მოითხოვა და "ბარსელონამაც" უარი განაცხადა მის შეძენაზე. როგორც ჩანს, პეპეს მოდრიჩისადმი ინტერესი უფრო გაუმძაფრდა და გეგმის განხორციელებს მიმდინარე წლის ზაფხულში შეეცდება.
მოდრიჩს თავის მხრივ მოქმედი კონტრაქტი "მადრიდის რეალთან" 2017 წლამდე აკავშირებს და მისი გადაბირება არ იქნება ადვილი, ვინაიდან "მადრიდის რეალი" არაა ცნობილი ფეხბურთელების გაყიდვით, ხოლო თავად ხორვატი კი ანჩელოტის სათამაშო სისტემაში უმნიშვნელოვანეს როლს თამაშობს. ასე რომ შემოთავაზება ასტრონომიული უნდა იყოს, რათა მას "თეთრები" დათანხმდნენ, ან პეპს მეორე გზა რჩება, თავად ფეხბურთელის დაყოლებია, მაგრამ ეგეც არ არის ადვილი საქმე, ვინაიდან მოდრიჩი და მისი ოჯახის წევრები მადრიდში თავს ბედნიერად გრძნობენ.
- 14 მარტი 2014
- 3548
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
