კელერი: "მადრიდმა დიდი ფეხბურთი ითამაშა"
"შალკეს" მთავარი მწვრთნელი თამაშის შემდეგ ჟურნალისტებს გაესაუბრა.
რას იტყვით თამაშზე?
პირველი თორმეტი წუთი კარგი იყო. ამ ხნის მანძილზე კარგად ვთამაშობდით და მომენტებსაც ვქმნიდით, მაგრამ შემდეგ შეცდომების დაშვება დავიწყეთ. გვქონდა შანსი, რომ თამაში გაგვეთანაბრებინა, მაგრამ ვერ გამოვიყენეთ. როცა ისეთ შეცდომებს უშვებ, როგორც ჩვენ, ისეთი გუნდი, როგორიც "მადრიდის რეალია", აუცილებლად დაგსჯის. ჩვენ ძალიან ბევრი სივრცეები დავტოვეთ და "მადრიდის რეალმა" ეს ბრწყინვალედ გამოიყენა.
დრაქსლერის მომენტში შეეძლო "შალკეს" გარდატეხა შეეტანა თამაშში. როგორ ეკიდებით იმას, რომ იკერის დონის მეკარე ესპანეთის ჩემპიონატში არ თამაშობს და სათადარიგოზე ზის?
მე უფრო მნიშვნელოვანი საფიქრალი მაქვს, ვიდრე იკერის თამაში ან არ თამაში.
თქვენმა გუნდმა ხელი ჩაიქნია?
ბევრს ვმოძრაობდით, მაგრამ მთავარი გვაკლდა.
რა დასკვნას გამოიტანთ ასეთი თამაშიდან?
როგორც ერთმა გუნდმა, ისე უნდა ვითამაშოთ. უფრო ინტენსიურები უნდა ვიყოთ დაპირისპირების დროს.
- 27 თებერვალი 2014
- 2646
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
