მოგეხსენებათ, გერმანელმა ნახევარმცველმა, სამი ხედირამ უმძიმესი ტრავმა მიიღო, რის გამოც რამდენიმე თვით ჩამოშორდა ფეხბურთს...

კარლო ანჩელოტი სამის დიდ ნდობას უცხადებდა და თითქმის ყველა შეხვედრაში სასტარტო თერთმეტეულში ჰყავდა გამწესებული. ჩანდა, რომ გერმანელის გარეშე რეალის ნახევარდაცვა წარმოუდგენელი იყო, თუმცა დაზიანების შემდგომ მთავარმა მწვრთნელმა ახალი ტრიოს ძიება დაიწყო და იპოვა კიდეც.

ჩაბი ალონსო, ლუკა მოდრიჩი, ანხელ დი მარია, სწორედ ამ სამმა ფეხბურთელმა დაარწმუნა იტალიელი სპეციალისტი იმაში, რომ სამეფო კლუბის ნახევარდაცვას სხვა არაფერი სჭირდება, ისინი იდეალურად გამოდიან ყველა მატჩში და კარლოს ყველა დავალებას ასრულებენ.

თანამდებობაზე დანიშვნისთანავე ანჩელოტი აცხადებდა, რომ აუცილებელია ბალანსის პოვნა, რაც ამ ფეხბურთელებმა მოახერხეს.

ალბათ არავის ეპარება ეჭვი იმაში, რომ გერმანელი ფეხბურთელის პოზიციები მადრიდში შესუსტებულია, თანაც არავინ იცის თუ როგორ ფორმაში დაუბრუნდება იგი გუნდს.

ვითარებაში არაერთი გუნდია გარკვეული და რა თქმა უნდა სამის მსურველები გამოუჩნდებიან. Daily Mirror-ის ინფორმაციით დევიდ მოიესს ძალიან სურს ტუნისური წარმომავლობის გერმანელი შეგირდის დამატება, იგი თვლის, რომ ნახევარდაცვის ყველა პრობლემას სწორედ ხედირა მოაგვარებს.

გავრცელებული ინფორმაციების მიხედვით მანჩესტერ იუნაიტედის ხელმძღვანელობა ზაფხულის სატრანსფერო ფანჯრის გახსნისთანავე დაიწყებს მოლაპარაკებებს მადრიდელთა მმართველებთან, ინგლისელები მზად არიან ფლორენტინო პერესს 30 მილიონი ევრო შესთავაზონ, კონტრაქტის დეტალებზე საუბარი კი ჯერ-ჯერობით რა თქმა უნდა ნაადრევია.������� dle 10.1������� ������� ������