კრიშტიანო რონალდუ და კარიმ ბენზემა ესპანური გუნდების წინახაზელს შორის საუკეთესო დუეტს ქმნიან და ამას მათი მაჩვენებელიც მოწმობს...

პორტუგალიელმა ფეხბურთელმა წლეულს უკვე 34 გოლს მოუყარა თავი, რაც თავისთავად შესანიშნავი მაჩვენებელი გახლავთ, კარიმ ბემზემა კი დღეისათვის 18 გოლით იწონებს. თავს, დუეტი ჯამში 52 გოლს მოითვლის, რაც საუკეთესოა პრიმერა დივიზიონის გუნდებს შორის.

მადრიდელებს უკან ბარსელონას შემტევები მოსდევენ ლიონელ მესისა და პედრო როდრიგესის გოლების წყალობით, არგენტინელის ანგარიშზე 24 ბურთია, ხოლო ესპანელის 17, ჯამში მათ 41-ჯერ აქვთ მეტოქეთა კარი აღებული და თერთმეტით ჩამოუვარდებიან "ბლანკოსის" ფორვარდებს.

მესამე ადგილს მეორე მადრიდული კლუბი, ატლეტიკო იკავებს, რომლის შემადგენლობაში დიეგო კოშტამ 26-ჯერ შეძლო თავის გამოჩენა, 15-ჯერ კი რაულ გარსიამ, დედაქალაქელებს კატალონიელთა შედეგი აქვთ გამეორებული და ჯამში 41 გოლს მოითვლიან.

მეოთხე პოზიციას რეალ სოსიედადი დასჯერდა, რომელმაც სეზონი საკმაოდ ნორმალურად დაიწყო და აგრძელებს კიდეც, ბასკები ხშირად გამოდიან სტაბილურად და სასურველ შედეგს აღწევენ, რაც პირველი რიგში გრიზმანის და კარლოს ველას დამსახურებაა, რომლებსაც შესაბამისად 18 და 15 გოლი აქვთ გატანილი და ჯამში 33 ბურთს მოითვლიან.