ცნობილმა ესპანურმა ვებ-გვერდმა "Defensacentral.com" გამოკთხვა ჩაატარა, სადაც გულშემატკივართა უმრავლესობამ მიიჩნია, რომ ხესე როდრიგესმა წლევანდელ მუნდიალზე ეროვნული ნაკრების ღირსება უნდა დაიცვას...

გამოკითხულთა 68% თვლის, რომ მადრიდის რეალში თავის დამკვიდრება და ასეთ დონეზე თამაში მითუმეტეს დამწყები ფეხბურთელისთვის ძალიან რთულია, მაგრამ ეს წინახაზელმა მოახერხა და სულ ცოტა ხანი დასჭირდა იმისათვის, რომ ინჩასების გული მოეგო, მან მწვრთნელს დაუმტკიცა, რომ უდიდესი მომავალი აქვს. უმეტესობის აზრით ხესე არის ეფექტური და პროდუქტიული ფეხბურთელი, რომელიც "ფურია როხას" დიდ წარმატებას მოუტანს, როგორც წელს, ასევე მომდევნო წლებში.

18%-ის აზრით "კანარელის" მუნდიალზე წასვლა ძალიან ადრეა, რადგან მას არც სათანადო გამოცდილება აქვს და არც დონე, მსოფლიოზე არასტაბილურად თამაშმა კი მოთამაშეზე შესაძლოა უარყოფითად იმოქმედოს, ამიტომ ჯობია დაისვენოს და დაპირისპირებებს თვალი ტელევიზორში მიადევნოს.

დანარჩენი 14% კი თვლის, რომ ნაკრებში წაყვანა-არწაყვანის საკითხის განსაზღვრა ძალიან რთულია და ეს ჯობია ვისენტე დელ ბოსკემ გადაწყვიტოს, რომელსაც ახალგაზრდებთან მუშაობის ბრწყინვალე გამოცდილება აქვს და არაერთი დამწყებისგან "გამოუძერწავს" ნამდვილი ვარსკვლავი, აქედან გამომდინარე სწორედ "ულვაშას" უნდა ენდოს მთელი ესპანეთი.������� dle 10.1������� ������� ������