''რეალს'' მომდევნო სამი მატჩის ჩატარება რონალდოს გარეშე მოუწევს, ამიტომაც შეიძლება ითქვას, რომ გუნდი ბეილი-ხესეს იმედად რჩება. პორტუგალიელის არყოფნაში შეტევაში არსებული დანაკლისი სწორედ მათი ამოსავსებია.

ახლა უკვე გასაგები ხდება თუ რატომ დაასვენა კარლო ანჩელოტიმ ბეილი ''ატლეტიკოსთან'' მატჩში. იტალიელს არაჩვეულებრივად მოეხსენება, რომ რონალდო ლა ლიგაში სამ მატჩს გატოვებს, ამიტომაც აღნიშნულ შეხვედრებში ლიდერის ფუნქციების აღება საკუთარ თავზე უელსელს მოუწევს.
თავისმხრივ, საკუთარი შესაძლებლობების წარმოჩინების ბრწყინვალე შანსი მიეცემა ხესე როდრიგესს. მას ჯერ კიდევ დასამტკიცებელი აქვს მწვრთნელისათვის, რომ სასტარტო შემადგენლობაში ყოფნას იმსახურებს.

გთავაზობთ ბეილისა და ხესეს 2013/14 წლების სეზონის სტატისტიკას.