წლევანდელი სეზონი ერთი რამით გამოირჩევა. კარლო ანჩელოტი ასრულებს გუნდთან ვარჯიშს და ზიდანი იწყებს ხესესთან მასტერკლასების ჩატარებას.

აღსანიშნავია, რომ ზიდანი ხესესთან გაცილებით მეტ დროს ატარებს ვარჯიშის დროს, ვიდრე სხვებთან. ფრანგ ლეგენდას სურს, რომ როდრიგესისგან მსოფლიოს საუკეთესო ფეხბურთელი ''გამოჭედოს''.
გასულ კვირას ზიზუმ ხესე მომენტების გამოყენებაში ავარჯიშა. ფრანგს სურს, რომ როდრიგესი ისეთივე სრულყოფილი ფეხბურთელი გახდეს, როგორიც კრიშტიანო რონალდუა.

ვარჯიშის დასრულების შემდეგ ვალდებებასზე შემდეგი სურათი შეინიშნება. უკლებლივ ყველა ტოვებს სავარჯიშო მოედანს, რჩებიან ხესე, ზიდანი, მეხიასი და ხესუსი. ზიზუს დავალებით 21-ე ნომერი ყველა ადგილიდან ცდილობს გოლი გაუტანოს გოლკიპერებს: ერთი შეხებით, ზურგით მიღების დროს და ა.შ.

ზიზუს ეჭვი არ ეპარება, რომ თავდაუზოგავი შრომის შედეგად ხესე მსოფლიოს ერთ-ერთ საუკეთესო ფეხბურთელად ჩამოყალიბდება და ჩადებულ ავანსებს გაამართლებს.