რეალი მზად არის სუარესის სანაცვლოდ ისკოს შეელიოს
გავრცელებული ინფორმაციით მადრიდის რეალის ხელმძღვანელობა ყველა ხერხს იხმარს იმისათვის, რომ ლუის სუარესი "ბლანკოსის" შეგირდი გახდეს...
წინა დღეებში ვრცელდებოდა ჭორები იმის შესახებ, რომ ფლორენტინო პერესი მზად იყო ფეხბურთელის სანაცვლოდ 70 მილიონი ფუნტი სტერლინგი გადაეხადა, დღეს კი როგორც ჩანს გეგმა "ბ"-ს შესახებაც დაიწყო საუბარი, რაც გუნდიდან ისკო ალარკონის წასვლას გულისხმობს.
ინგლისელთა ინფორმაციით პერესი ახალგაზრდა ესპანელს შეელევა და მას თანხას დაუმატებს, რომელიც საკმაოდ სოლიდური იქნება.
ლივერპულელთათვის ისკოს დონის გამთამაშებლის დამატება უპრიანი ნამდვილად არის, მაგრამ რამდენად კარგი იქნება უდავო ლიდერის, ლუის სუარესის წასვლა მეორე საკითხია, თუმცა თანხა ამ შემთხვევაში ბევრ რამეზე იმეტყველებს.
ჯერ-ჯერობით უცნობია ალარკონთან ერთად თანხის რა ოდენობაზე გახლავთ საუბარი, თუმცა კულუარული ინფორმაციით ეს არ იქნება 30 მილიონზე ნაკლები.
- 22 იანვარი 2014
- 4071
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
