"ესპანიოლი"-უხერხული მეტოქე
"მადრიდის რეალი" სამეფო თასის მეოთხედფინალში "ესპანიოლს" დაუპირისპირდება
"მადრიდის რეალი" 22 და 29 "იანვარს" სამეფო თასის მეოტხედფინალში ესპანიოლს დაუპირისპირდება. თუ "თეთრები" "ესპანილსაც" გაცდებიან, ამ შემთხვევაში ნახევარფინალში მათი მეტოქე 5 და 12 "თებერვალს" უკვე "ატლეტიკო მადრიდსა" და "ბილბაოს ატლეტიკს" შორის გამარჯვებული იქნება. ფინალში კი კარლო ანჩელოტის შეგირდებს ალბათ "ბარსელონა" შეხვდებათ, ვინაიდან მადრიდელებისგან განსხვავებით კატალონიელებს არ ელიტ რთული შეხვედრები მეოთხედფინალსა თუ ნახევარფინალში.
თუ "მადრიდის რეალმა" წელს სამეფო თასი მოიგო, მაშინ ეს მართლაც ღირსეული თასი იქნება, ვინაიდან გზად მათ ამდენი ურთულესი მეტოქის დამარცხება მოუწევთ. შეიძლება ბევრისთვის ისე ჩანდეს, რომ "ესპანიოლი" დიდი რამე ვერაა, მაგრამ მხოლოდ იმის აღნიშვნა რად ღირს, რომ კატალონიელები სამეფო თასზე "მადრიდის რეალს" 19-ჯერ დაუპირისპირდნენ, საიდანაც 9-ჯერ "თეთრებს" მოუგეს, 3-ჯერ ფრედ ითამაშეს და 7-ჯერ დამარცხდნენ. გარდა ამისა, ბოლო ორ შემთხვევაში , როცა "მადრიდის რეალი" დაუპირისპირდა მათ, "თეთრები" გათამაშებას გამოეთიშნენ.
ბოლო დაპირისპირება შედგა 2000 წელს, როცა გუნდები ნახევარფინალში შეხვდნენ ერთმანეთს, სადაც 0:0 ანგარიშის შემდეგ განმეორებითი შეხვედრა 1:0 მორჩა კატალონიელების სასარგებლოდ. მაგის წინ იყო შეხვედრა 1996 წელს თასზე, როცა "ესპანიოლმა" ანგარიშებით 4:1 და 1:2 იმარჯვა.
როგორც ხედავთ, ისტორიიდან გამომდინარე "ესპანიოლი" იმაზე უხერხული და რთული მეტოქეა, ვიდრე ვინმე წარმოიდგენდა.
- 16 იანვარი 2014
- 1675
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
