როგორც იცით, „რეალის“ ისტორიაში, პორტუგალიელი მეგა-ვარსკვლავი მე-6 ფეხბურთელია, რომელსაც „ოქროს ბურთი“ ხვდა წილად.

სხვადასხვა პერიოდებში, „სანტიაგო ბერნაბეუს“ პუბლიკას საშუალება ჰქონდა, ცოცხლად ენახა ოქროსგან დამზადებული ბურთი.1957 და 1958 წლებში, აღნიშნული ჯილდო არავის დაუთმო ალფრედო დი სტეფანომ.ამ უკანასკნელს ევროპის ყველაზე პრესტიჟულ ტურნირზე ფეერიული თამაში ორჯერ დაუფასდა.შემდეგ იყო, რაიმონ კოპა, რომელიც 1956 და 1957 წ.წ. მესამე ადგილებს ჯერდებოდა, თუმცა 1959-ში როგორც იქნა, პირველობა მასაც მოუწია.დიდხნიანი პაუზის შემდეგ, 2000 წელს, კვლავ მადრიდელის ხელში ჩავარდა ოქრო (ლუიშ ფიგუ), რასაც 2002-ში ბრაზილიელი რონალდოს, ხოლო 2006-ში კანავაროს აღიარება მოჰყვა.და ბოლოს, კრიშტიანუმ დააგვირგვინა რამდენიმე დღის წინ.

სამეფო კლუბის ქომაგებისათვის, ჩამოთვლილთაგან, 3 ბურთს განსაკუთრებული მნიშვნელობა ენიჭება.რა თქმა უნდა, ერთი სიამოვნებაა, როდესაც „თეთრ“ მაისურში გამოწყობილ მოთამაშეს საუკეთესოდ აღიარებენ, თუმცა ორმაგად სასიხარულოა, როდესაც მადრიდელი ფეხბურთელი „ბერნაბეუზე“ დაღვრილი ოფლისთვის იღებს ჯილდოს და ასეთი პრეცედენტი, მხოლოდ ალფრედო დი სტეფანოსა და რონალდუს სახელზეა, რომელთა ოქროს ბურთებიც, 100 პროცენტით თეთრია.

MARCA

������� dle 10.1������� ������� ������