ხესე იწყებს
ხესე როდრიგესის პროგრესი თვალნათლივია და ეს არც კარლო ანჩელოტის გამორჩენია. ესპანელი ფორვარდი თითქმის ყველა შეხვედრაში ახერხებს გოლის გატანას და აქტიურად თამაშს...
ყველა კარგად ხედავს, რომ მთავარი მწვრთნელი ცდილობს სასტარტო თერთმეტეულში ხესეს "მოძებვნას", თუმცა ეს ხშირად არ გამოსდის, რადგან მას მსოფლიო კლასის მოთამაშეები ჰყავს ანხელ დი მარიას, კარიმ ბენზემას, კრიშტიანო რონალდოს და გარეთ ბეილის სახით, თუმცა ყველა კარგად ხედავს, რომ სწორედ სახელგანთქმული ფეხბურთელების ფონზე როდრიგესი ტოლს არავის უდებს.
ესპანელმა პარისენჟერმენს ერთადერთი გოლი გაუტანა და მოედანზე ბოძებული წუთები ისე გაატარა, თითქოს მსგავსი დონის გუნდთან შეხვედრა მისთვია მეასე ყოფილიყო, მას არც თავდაჯერებულობა აკლდა და არც მონდომება. ასევე სასიამოვნოდ გასახსენებელია მატჩი ვალენსიასთან, სადაც ახალგაზრდა ფორვარდმა გადამწყვეტი გოლი გაიტანა და გუნდს ჩემპიონობის შანსი შეუნარჩუნა.
როგორც ჩანს "ბლანკოსს" ხესე როდრიგესის სახით დიდი ფორვარდი ეზრდება, რომელსაც ყველაფერი აქვს იმისათვის, რომ კრიშტიანო რონალდოსთან, გარეთ ბეილთან და მათი კალიბრის ფეხბურთელებთან ერთად თავი ბრწყინვალედ წარმოაჩინოს და მსოფლიო კლასის ფეხბურთელად იქცეს.
- 3 იანვარი 2014
- 1995
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
