2013 წლის ბოლო დღეს, მადრიდელმა ფეხბურთელებმა ღია ვარჯიში ჩაატარეს.

იტალიელმა სპეციალისტმა კარლო ანჩელოტიმ, თავისი შეგირდები „ალფრედო დი სტეფანოზე“ შეკრიბა, სადაც ქომაგებმა ტრიბუნები პირამდე შეავსეს.საზეიმო განწყობის პირობებში, მოთამაშეები ჯერ გახურდნენ, ხოლო შემდეგ ერთმანეთში გააგორეს ბურთი, რამაც დიდი მოწონება დაიმსახურა გულშემატკივრებში.

აღნიშნულ სავარჯიშო სესიაში, კოენტრაუს, ვარანის, ბეილის (სამივე სატრენაჟორო დარბაზში ირჯებოდა) ხედირასა და მორატას (მაღალი ტემპურატურის გამო) გარდა, ყველამ მიიღო მონაწილეობა.

„საკმაოდ ორიგინალური ინიციატივაა.შესაძლებლობაბ გვეძლევა, რომ ახლოდან ვნახოთ ჩვენი ფავორიტები“ - აცხადებდნენ სტადიონზე მოსული მადრიდისტები.

როგორც ცნობილია, სპეციალურად ამ დღისთვის, ესპანეთის დედაქალაქში, იტალიიდან და საფრანგეთიდან ჩამოვიდნენ „რეალის“ ქომაგები.