Corriere : "მილანი ზამთარში კოენტრაოს გაიფორმებს"
ცნობილი იტალიური გამოცემის Corriere Dello Sport-ის ინფორმაციით მილანის ხელმძღვანელობამ უკვე მიაღწია შეთანხმებას ფლორენტინო პერესთან ფაბიო კოენტრაოს ტრანსფერთან დაკავშირებით...
იტალიაში გავრცელებული ინფორმაციის მიხედვით "როსონერი" ზამთარში პორტუგალიელი მარცხენა მცველით გაძლიერდება.
კოენტრაოს მუნდიალზე კარგ ფორმაში ყოფნა სურს, კარლო ანჩელოტი კი მას ნამდვილად არ წყალობს და მარსელო ვიეირას ენდობა, აქედან გამომდინარე მას აბარგებას უწინასწარმეტყველებენ.
არაოფიციალური ინფორმაციით, პორტუგალიელ ფეხბურთელს რიკარდო კაკასთან ჰქონდა სატელეფონო საუბარი და სწორედ ბრაზილიელმა ნახევარმცველმა მოახერხა ფაბიოს დაყოლიება სერია "ა"-ში გადასვლაზე.
ფინანსური დეტალები ჯერ-ჯერობით უცნობია, ასევე არ არის ცნობილი თუ რამდენ წლიან კონტრაქტს გააფორმებს კოენტრაო ახალ კლუბთან.
ყველაფერს ნათელი სულ მალე მოეფინება, ზამთრის სატრანსფერო ფანჯრის გახსნამდე ზუსტად 2 კვირა არის დარჩენილი.
- 17 დეკემბერი 2013
- 1645
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
