ცნობილია, თუ ვინ გაუძღვება ამ შეხვედრას...

ოთხშაბათს, 27 ნოემბერს, თბილისის დროით 23:45 საათზე გაიმართება "ჩემპიონთა ლიგის" ჯგუფური ეტაპის მე-5 ტურის შეხვედრა, სადაც ერთმანეთს მადრიდის "რეალი" და სტამბულის "გალათასარაი" დაუპირისპირდებიან. უკვე ცნობილია, თუ ვინ გაუძღვება ამ შეხვედრას. 34 წლის შოტლანდიელი მსაჯი, უილიამ კოლუმი ამ შეხვედრის მთავარი არბიტრი იქნება. კოლუმს არასოდეს უმსაჯია იმ შეხვედრაში, სადაც მადრიდის "რეალი" მონაწილეობდა, თუმცა იგი "გალათასარაის" ორ შეხვედრაში იყო არბიტრი. პირველი შეხვედრა იყო "კლუჟთან", რომელშიც თურქებმა გაიმარჯვეს, ხოლო მეორე კი მატჩი "შალკეს" წინააღმდეგ, რომელიც ფრედ დასრულდა.