„ალმერიას“ წინააღმდეგ თავის გამოჩენას, კრიშტიანუმ მხოლოდ 3 წუთი მოანდომა.

ნიშანდობლივია, რომ Juegos Mediterráneos-ის სტადიონზე გატანილი გოლი, პორტუგალიელისათვის 71-ე გამოდგა პრიმერას გასვლით მატჩებში.ამ ბურთით „ელ ფერარი“ გაუტოლდა დიად დი სტეფანოს, რომელსაც 11 წლიანი მადრიდული კარიერის განმავლობაში, „ბერნაბეუს“ გარეთ 71-ჯერ დაუმწუხრებია მოწინააღმდეგე.რაც შეეხება სტატისტიკის სათავეს, ჯერჯერობით პირველობას არავის უთმობს რაული, რომლის ანგარიშზეც 87 გოლია.

ხაზგასასმელია ის ფაქტი, რომ „ელ კაპიტანომ“ აღნიშნული ციფრის დაგროვებას 16 წელი მოანდომა, ხოლო კრიშტიანუს დიდი შანსი აქვს, რომ თავის მე-5 მადრიდულ სეზონში, გუნდის საუკეთესო ბომბარდირი გახდეს სტუმრად ჩატარებულ პაექრობებში.